வெனிசுவேலாவில் ஜூலை
28, 2024 அன்று நடந்த தேர்தலில் நிகோலஸ் மதுரோ மூன்றாவது முறையாக மீண்டும்
குடியரசுத் தலைவராகத் தேர்தெடுக்கப்பட்டார். அமெரிக்க ஏகாதிபத்தியமும் அதன்
ஊதுகுழலான முதலிய ஊடகங்களும் அந்தத் தேர்தல் நேர்மையாக நடக்கவில்லை என்று கூறி
அந்தத் தேர்தல் முடிவை எதிர்த்துப் பரப்புரைகளில் ஈடுபட்டன. வெனிசுலாவில் உள்ள
அமெரிக்க ஏகாதிபத்திய ஆதராவாளர்கள் மதுரோவின் ஆட்சியைக் கவிழ்க்கும்
போராட்டங்களில் ஈடுபட்டனர்.
அவரது ஆட்சியைக்
கவிழ்க்க வலது சாரியினர் மேற்கொண்ட சதி
முயற்சிகளையும் தேர்தலின் போது அவர்கள்
அரங்கேற்றிய வன்முறைகளையும், எதிர்த்து உலகம் முழுவதும் ஏராளமான நகரங்களில் மக்கள் இயக்கங்கள், இடதுசாரிக் கட்சிகள், தொழிற்சங்கங்கள் ஆகியவை ஆகஸ்ட் 17, 2024 அன்று வெனிசுவேலாவுக்குப் பக்கபலமாக சர்வதேச ஒற்றுமைக்கான
செயல்பாட்டு தினத்தில் தங்கள்
ஆதரவை வெளிப்படுத்தினர். சர்வதேச மக்கள் கூட்டமைப்பு, ALBA இயக்கங்கள், சிமோன் பொலிவார் நிறுவனம் மற்றும்
கரீபிய மக்கள் கூட்டமைப்பு ஆகியவை ஒன்றிணைந்து, ஆகஸ்ட் 9, 2024 அன்று தொடங்கப்பட்ட சர்வதேச
ஒற்றுமையின் ஒரு பகுதியான இந்த சர்வதேச செயல் தினம், "ஜனநாயகத்தையும் இறையாண்மையையும்
பாதுகாப்போம்! வெனிசுவேலாவின் மீதிருந்து கையை எடு!" என்னும் வெனிசுவேலாவுடனான ஒற்றுமை / ஆதரவு பிரச்சாரத்தின் ஒரு பகுதியாகும்.
கினியா மற்றும் கேப்
வெர்டேவின் சுதந்திரத்திற்கான ஆப்பிரிக்க கட்சியும் அமில்கார் கேப்ரல் அரசியல்
மற்றும் சித்தாந்தத்திற்கான பயிற்சிப் பள்ளியும் 10.8.2024 அன்று உலகின் பலபகுதிகளில் இருக்கும் கினிய மாணவர்களுடன்
காணொலிக் காட்சி வழியாக ஒரு மாநாட்டை நடத்தி பொலிவேரியப் புரட்சிக்கு ஒன்றுபட்ட
உறுதியான ஆதரவைத் தெரிவித்தனர்.
கினியா- பிஸ்ஸாவில், கினியா மற்றும் கேப் வெர்டேவின்
சுதந்திரத்துக்காகப் போராடும் ஆப்பிரிக்கக் கட்சி 10.8.2024 அன்று மாநாடு ஒன்றை நடத்தியது. அதில்
கினிய மாணவர்கள் வெனிசுவேலாவுக்குத் தங்களது உறுதியான ஆதரவைத் தெரிவித்தனர்.
தென்கொரியாவின்
சியோல் நகரத்தில், "ஜனநாயகம் மற்றும் இறையாண்மையைப் பாதுகாப்போம்'--- வெனிசுவேலாவின் மீதிருந்து கையை
எடு" என்னும் முழக்கத்துடன் சமூக செயல்பாட்டாளர்கள் 'செயல்பாட்டுக்கான
சர்வதேச தினம்' என்ற முழக்கத்துடன்
போராட்டங்களை நடத்தினார்கள். ஜூலை 28, 2024 அன்று குடியரசுத் தலைவரின் தேர்தல் முடிவுகளை உலகம் மதிக்க
வேண்டும் என்பதோடு வெனிசுவேலாவின்
மீதான அமெரிக்காவின் தலையீட்டையும் கண்டித்தனர்.
ஏராளமான நாடுகளில் மக்கள் திரள் இயக்கங்கள் அவர்களுடைய
நாட்டில் உள்ள வெனிசுவேலாவின் தூதரகங்கள் முன் திரண்டு, பொலிவரியாவின் புரட்சி மற்றும் ஜனநாயகத்துக்குத் தங்களின் ஆதரவைத் தெரிவித்தனர் கலீசியாவின்
வீகோ , தென்
ஆப்பிரிக்காவின் பிரிட்டோரியா, அங்கோலாவின்
லுவாண்டா , நார்வேயின் ஆஸ்லோ, செர்பியா, எகிப்து, மாலி மற்றும் செனெகல் ஆகிய நாடுகளில்
இருந்த மக்களமைப்புகள் அவர்கள்
நாட்டிலுள்ள வெனிசுவேலாவின் தூதரகங்களில்
தங்களின் ஒற்றுமையை அறிவித்த கூட்டங்களை நடத்தின. கங்கோ ஜனநாயகக் குடியரசு
நாட்டில் நாட்டின் கின்ஷாசா நகரில் இளம் விவசாயிகளின் அமைப்பினர் [The League of Young Peasants of the DRC (Ljp-RDC), "வெனிசுவேலாவின் மீதிருந்து கையை
எடு" என்ற பதாகைகளுடன், முழக்கத்துடன்
போராட்டங்கள் நடத்தினார்கள். தென் கொரியாவின் சியோலில், "உலகப் போர்களைத் தூண்ட வேண்டாம்!
அமெரிக்க ஏகாதிபத்தியம் ஒழிக!" என்று பொறிக்கப்பட்ட பதாகைகளுடன் சமூகச்
செயல்பாட்டாளர்கள் போராட்டங்கள் நடத்தினார்கள். இத்தாலியில் ரோமில் சமூக
செயல்பாட்டாளர்கள் வெனிசுவேலா குடியரசுத் தலைவர் நிகோலஸ் மதுரோவுக்கும், "சாவிஷ்ட்டா மக்கள்" என்று அன்புடன்
அழைக்கப்படும் பொலிவரியாவின் புரட்சியாளர்களுக்கும் தங்களது ஆதரவு முழக்கங்கள் பொறிக்கப்பட்ட
பதாகைகளை ஏந்திப் போராட்டங்கள் நடத்தினார்கள்.
கடந்த 20-ஆம் நூற்றாண்டு முழுவதும் லத்தின்
அமெரிக்க நாடுகளில் ஜனநாயக விரோதமான சதித் திட்டங்கள் மூலம் ஆட்சிக் கவிழ்ப்பு
நடவடிக்கைகளில் அமெரிக்க ஏகாதிபத்தியம் ஈடுபட்டது. அதைப் போலவே இப்பொழுதும் நிகோலஸ்
மதுரோவின் வெற்றிக்குப் பின்
ஆட்சி மாற்றத்தை அது வலியுறுத்தியது. அதற்கு எதிராக ஆகஸ்ட் 9, 2024 அன்று அமெரிக்காவின்
செயல்பாட்டாளர்கள் நியூயார்க் நகரத்திலுள்ள நியூயார்க் டைம்ஸ் பத்திரிக்கை அலுவலகத்துக்கு முன் பெருந்திரளாகக் கூடினார்கள்; வெனிசுவேலாவில் மதுரோவை
வீழ்த்திவிட்டு புதிய ஆட்சி அமைக்க வலியுறுத்தி ஆதரவு தெரிவித்ததாக ---- அது தயார் செய்த போலித் தரவுகளை
கடுமையாக விமர்சித்தனர்; ஆகஸ்ட் 17, 2024 அன்று "பாக்ஸ் நியூஸ் தலைமை
அலுவலகத்தில்' பேரணி நடத்தினார்கள.
சோசலிசம் மற்றும் விடுதலை கட்சியின் உறுப்பினர்கள் [PSL-- Party for Socialism and Liberation] பாஸ்டன் நகரத்தில் 'பாஸ்டன் குளோபின்' தலைமை அலுவலகத்தின்
வெளியே பேரணி நடத்தினார்கள். சான் பிரான்சிஸ்கோவில், PSL கட்சியின் செயல்பாட்டாளர்கள், உலகின் பெரும் பணக்காரரான இலான்
மஸ்கின் உலகின் மிகப்பெரிய சமூக வலைதளமான X -ன் தலைமை அலுவலகத்தின் வெளியே மக்கள் மத்தியில் வெறுப்பைத் தூண்டுவது
மற்றும் தவறான தகவல்களைச் சமூக வலைதளத்தில் பரப்பும் இலானுடைய செயலைக் கண்டித்துப் போராட்டங்களை நடத்தினார்கள்.
ஆகஸ்ட் 17,2024 வெனிசுவேலாவில் வலதுசாரிகளை எதிர்த்தும், முன்னாள் குடியரசுத் தலைவர் மறைந்த
சாவோவின் ஆதரவாளர்களான இடது சாரிகள் வழிகாட்டுதலில் கராகசிலும் மற்றும் பிற நகரங்களிலும் மதுரோவுக்கு ஆதரவான போராட்டங்கள் நடந்தன.
இதற்கிடையில், பல்லாயிரக்கணக்கான மக்கள் நிகோலஸ் மதுரோ
தலைமையிலான போராட்டங்களில் கராகசின் மத்திய பகுதியில் பெருந்திரளாக பங்கு கொண்டார்கள்; குறிப்பிடத்தக்கதாக சமூக அரசியல்
இயக்கங்களும், சாவோவின் ஆதரவாளர்களான
இடதுசாரி அமைப்புகளும் நடத்திய
போராட்டங்களில் உறுதியான பங்கு
கொண்டனர்.
வெனிசுலாவில்
மதுரோவின் ஆட்சியைக் கவிழ்ப்பதற்கான அமெரிக்க ஏகாதிபத்தியத்தின் சதியை முறியடிக்க
இன்று உலகெங்கும் மக்கள் ஒன்று திரண்டு தங்கள் ஒருமைப்பாட்டை வெளிப்படுத்தி
உள்ளனர். உலகின் “பழமையான ஜனநாயக நாடு” என்ற வேடம் கலைந்து அமெரிக்க
ஏகாதிபத்தியத்தின் கோர முகம் இன்று உலகம் முழுவதும் அம்பலப்பட்டு நிற்கிறது.
- கவிதா
(ஆதாரம்:Monthly Review Online ஆகஸ்ட் 24.
2024 ல் வந்த கட்டுரை)
Comments
Post a Comment