திருவண்ணாமலையில் மேல்மா மற்றும்
அதனைச் சுற்றியுள்ள எட்டு கிராமங்களில் மூன்றாவது சிப்காட் பூங்காவை அமைக்க
எதிர்ப்புத் தெரிவித்து விவசாயிகள் 2.7.23 முதல் போராடி வந்தனர். போராட்டத்தில்
ஈடுபட்டிருந்த விவசாயிகளில் இருபது பேரை தமிழ் நாடு அரசு கடந்த நான்காம் தேதி
(4.11.2023) கைது செய்தது. பிறகு அவர்களில் ஏழு பேரை குண்டர் சட்டத்தின் கீழ்
சிறையிலடைக்க திருவண்ணாமலை ஆட்சியர் ஆணை பிறப்பித்தார். விவசாயிகளைக் குண்டர்
சட்டத்தின் கீழ் அடைத்தது மக்களிடையே பெரும் அதிருப்தியை ஏற்படுத்தியது. உடனே
தமிழ் நாடு முதலமைச்சர் மு.க. ஸ்டாலின் அவர்கள் விவசாயிகளில் ஆறு பேர் மீதான
குண்டர் சட்டத்தை ரத்து செய்து ஆணையிட்டுள்ளார். அவர்களது குடும்பத்தினர் வேண்டிக்
கொண்டதாலும் இனிமேல் இது போன்ற தவறுகளைச் செய்ய மாட்டோம் என்று அவர்கள் உறுதி
அளித்ததாலும் அவர்கள் மீதான குண்டர் சட்டத்தை இரத்து செய்து உள்ளதாக தமிழ்நாடு
அரசின் செய்திக் குறிப்பு கூறுகிறது. ஆனால் மேல்மா சிப்காட் விவசாயிகள் எதிர்ப்பு
இயக்கத்தின் ஒருங்கிணைப்பாளர் அருள் என்பவரின் மீதான குண்டர் சட்டம் மட்டும் ரத்து
செய்யப்படவில்லை.
எதிர்க் கட்சியாக இருக்கும்போது
நண்பன்! ஆளும் கட்சியானதும் வில்லன்!
தங்களுடைய நிலத்தை சிப்காட்டுக்காகக்
கையகப்படுத்தக் கூடாது என்று கூறி அமைதியான முறையில் போராடி வந்த விவசாயிகளைக்
கைது செய்ததோடு மட்டுமல்லாமல் அவர்கள் மீது குண்டர் சட்டத்தையும் ஏவியுள்ளது
தி.மு.க.அரசு. தங்களுடைய வாழ்வாதார உரிமைக்காகப் போராடும் விவசாயிகளை, இந்தச்
சமூகத்திற்கு உணவளித்து வரும் விவசாயிகளை இந்த அரசு சமூகத்திற்கு எதிரான
குண்டர்களாகக் கருதுகிறது. எதிர்க் கட்சியாக இருந்தபோது விவசாயிகளின் நண்பனாக
நடித்த கட்சி, அவர்களின் வாக்குகளைப் பெற்று ஆட்சி கட்டிலேறியதும் அவர்களின்
வில்லனாக மாறி விட்டது.
அதிகார வர்க்க ஆட்சிமுறை
தி.மு.க. மட்டும் அல்ல, காங்கிரஸ்,
பா.ஜ.க., அ.தி.மு.க. என அனைத்துக் கட்சிகளும் எதிர்க் கட்சியாக இருக்கும்போது
மக்களுக்காகவே தாம் இருப்பதாகத் தம்பட்டம் அடித்துக்கொள்ளும்; வானத்தைப் பிளந்து
வைகுண்டத்தை மக்களுக்குக் காட்டப் போவதாகப் பீற்றிக் கொள்ளும். மக்களின்
ஒப்புதலைப் பெற்று ஆட்சியைப் பிடித்ததும் மக்களுக்கு விரோதமாகவே நடந்து கொள்ளும்.
இதைத்தான் கடந்த எழுபது ஆண்டு இந்திய ஒன்றியத்தின் அரசியல் வரலாறு நமக்குக்
காட்டுகிறது. ஏனென்றால் ஆட்சிக் கட்டிலின் மகிமை அப்படி. இங்குள்ளது அதிகாரவர்க்க
ஆட்சிமுறை. இந்த ஆட்சிமுறை முதலாளிய வர்க்கத்திற்கானது. எந்தக் கட்சி ஆட்சியில்
அமர்ந்தாலும் அது அதிகார வர்க்கத்தின் அங்கமாக மாறி விடுகிறது. ஆட்சியின் முகமாக கட்சி
இருக்கும் அதே சமயத்தில் அதன் மூளையாக இருப்பது அதிகாரவர்க்கம்தான்.
அதிகாரவர்க்கம் முதலாளிய நலன்களுக்காச் செயல்பட்டுக் கொண்டிருப்பது. எனவே எந்தக்
கட்சி ஆட்சிக்கு வந்தாலும் முதலாளிகளுக்கு ஆதரவாகவே செயல்படும்.
விவசாயிகளுக்கும் தொழில்
வளர்ச்சிக்கும் இடையில் உள்ள முரண்பாடு
மேல்மா மற்றும் அதன் சுற்று வட்டாரக்
கிராமங்களில்1881 குடும்பங்களுக்குச் சொந்தமாக உள்ள 3174 ஏக்கர் நிலத்தை சிப்காட்
-3 தொழிற் பூங்காவிற்கு அரசு எடுக்க உள்ளது. கொடுக்கப்பட்ட புள்ளி விவரத்தின்
அடிப்படையில் பார்த்தால் இவர்கள் அனைவரும் சிறிய விவசாயிகளாகவும் துண்டு நிலத்தை
உடைமையாகக் கொண்டவர்களாகவும் இருக்கின்றனர். இவர்களுக்கு அரசு வழங்கும்
இழப்பீடுகளைக் கொண்டு அவர்கள் கண்ணியமான எதிர்கால வாழ்க்கையை உருவாக்கிக் கொள்ள
முடியாது என்பதுதான் எதார்த்தம். இவர்கள் விவசாயத்தை நம்பியிருப்பவர்கள்.
விவசாயத்தைத் தவிர வேறு எந்தத் தொழிலும் தெரியாது. இவர்கள் தங்களுக்கு
வாழ்வாதாரமாக இருந்த நிலத்தை இழந்த பிறகு கூலித் தொழிலாளர்களாக மாறுவதைத் தவிர
வேறு வழியில்லை. முதலாளிய அமைப்பு இப்படித்தான் விவசாயிகளின் நிலத்தைப் பறித்து
அவர்களை ஓட்டாண்டிகளாக மாற்றி வருகிறது.
சோசலிச சமூகத்தில் நிலப் பிரச்சினைக்கான
தீர்வு
சோசலிச சமூகத்தில் நிலத்தின் மீதான
தனியுரிமை ஒழிக்கப்படும். நிலம் சமூக உடைமையாக்கப்படும். நிலம் சமூக உடைமை
ஆக்கப்படுவது என்றால் விவசாயிகள் நிலத்திலிருந்து வெளியேற்றப்படுவார்கள் என்று
பொருளல்ல. உழைக்கும் விவசாயிகள் அனைவருக்கும் நிலம் பொது உடைமையாக்கப்படும்; கூட்டுப்
பண்ணைகள் அமைக்கப்படும். விவசாயிகள் தனி நபருக்கு உரிமையாக உள்ள தமது நிலத்தை
இழந்தாலும் சமூக உடைமையாக மாற்றப்பட்டுள்ள நிலத்தில் உரிமையுடையவர்களாக
மாறுகின்றனர். கூட்டு வாழ்க்கையின் அங்கமாக மாறுகின்றனர்.
சோசலிச சமூகத்திலும் தொழில்
வளர்ச்சிக்காக நிலம் தேவைப்படும். அதற்கான நிலம் ஏற்கனவே பொதுவுடைமையாக்கப்பட்டுச்
சமூகத்திற்குச் சொந்தமாக உள்ள நிலத்திலிருந்து ஒதுக்கப்படும். அதனால் தனிப்பட்ட
விவசாயிகள் நிலத்தை இழக்க வேண்டிய அவசியமில்லை; வாழ்வாதாரத்தை இழக்க வேண்டியதில்லை.
ஏனென்றால் சோசலிச சமூகத்தின் கூட்டு வாழ்க்கையில் ஒவ்வொரு தனி நபரின் நலனும்
சமூகத்தின் நலனுடன் இணைந்துள்ளது. மேலும் சோசலிச சமூகத்தில் உருவாகும் தொழில்
வளர்ச்சி அனைத்தும், தனிப்பட்ட முதலாளிகளுக்குப் பதிலாக, சமூகம் முழுமைக்கும்
பயனளிக்கும். சோசலிச சமூகத்தில் விவசாயிகளுக்கும் தொழில் வளர்ச்சிக்கும் இடையில் உள்ள
முரண்பாடு நிலத்தை சமூக உடைமை ஆக்கப்படுவதன் மூலம் தீர்க்கப்படும். விவசாயிகளின்
வாழ்வும் வளம் பெறும்;; தொழில் வளர்ச்சியும் ஏற்படும்; சமூகம் முழுமையும் பயன்
பெறும்.
- மு.வசந்தகுமார்
✊✊✊
ReplyDeleteWell written with accurate statistics. The famers have not been paid fair market value on the earlier occasions. Its sad that the left parties are keeping quiet because of their alliance with DMK. Arappor iyakkam has taken the matter to CM. But one thing I doubt is whether a socialist society would compensate properly or not give anything in the name of social good. George orwell has exposed the double standards of communists in Russia.
ReplyDeleteIn Russia there was no true socialism as Marx conceived. Socialism is a free association of producers. There won't be any supervising authority as state. The producers plan the production and distribution among themselves. There won't be commodity production and money. Such a socialism has been never established anywhere in the world so far. We have learnt many lessons from the experiences of Russia and China. True socialism will only be achieved hearafter in the future by the toiling masses.
ReplyDeleteதிருவண்ணாமலை பகுதியில் வலுக்கட்டாயமாக விவசாயிகளுடைய நிலங்கள் கையகப்படுத்தப்படுவதற்கு எதிரான விவசாயிகளுடைய போராட்டத்தில் அரசின் அடக்குமுறையை வன்மையாக கண்டித்திருப்பதோடு, இந்த பிரச்சனை குறித்தும், முதலாளித்துவ அமைப்பு குறித்தும், தீர்வு குறித்தும் மிக முக்கியமான, சரியான கருத்துக்களை தோழர் வசந்த குமார் முன்வைத்திருக்கிறார்.
ReplyDeleteதற்போதைய அமைப்பில் "ஆட்சியின் முகமாக கட்சி இருக்கும். அதே சமயத்தில் அதன் மூளையாக இருப்பது அதிகாரவர்க்கம்தான்." என்று தோழர் குறிப்பிட்டிருப்பது ஆழமான உண்மையாகும்.
மேலும், "தொழில் வளர்ச்சி ஒரு நாட்டிற்கு மிகவும் தேவையானது ஒன்றுதான். ஆனால் அதன் வளர்ச்சி சமூகம் முழுமைக்கும் பயன்படுவதாக இருக்க வேண்டும்...." என்று இந்தப் பிரச்சனை குறித்த விளக்கியிருக்கிறார்.
"விவசாயிகள் தங்களுடைய நிலத்தையும் வாழ்வாதாரத்தையும் இழக்காமல் இருக்க வேண்டுமென்றால், அவர்களுடைய வாழ்வு வளம் பெற வேண்டுமென்றால் இந்த முதலாளிய அமைப்பை மாற்றி அமைக்க வேண்டும். சோசலிச சமூகம் அமைப்பதை நோக்கி முன்னேற வேண்டும். சோசலிச சமூக அமைப்பு மட்டுமே விவசாயிகளுக்கு வளமான வாழ்க்கைக்கு உத்தரவாதமாக அமையும்....."
"....மேலும் சோசலிச சமூகத்தில் உருவாகும் தொழில் வளர்ச்சி அனைத்தும், தனிப்பட்ட முதலாளிகளுக்குப் பதிலாக, சமூகம் முழுமைக்கும் பயனளிக்கும். சோசலிச சமூகத்தில் விவசாயிகளுக்கும் தொழில் வளர்ச்சிக்கும் இடையில் உள்ள முரண்பாடு நிலத்தை சமூக உடைமை ஆக்கப்படுவதன் மூலம் தீர்க்கப்படும். விவசாயிகளின் வாழ்வும் வளம் பெறும்; தொழில் வளர்ச்சியும் ஏற்படும்; சமூகம் முழுமையும் பயன் பெறும்." என்று தோழர் தொகுத்துக் கூறியிருப்பது இந்தப் பிரச்சனைக்கு மிகவும் சரியான தீர்வாகும்.