நான் ஒரு போதும் திரும்பமாட்டேன்!

விழித்தெழுந்திட்ட பெண் நான்

எரிக்கப்பட்ட எனது குழந்தைகளின் சாம்பலினூடாக

உதித்தெழுந்து புயலானவள் நான்

பீரிட்ட எனது சகோதரனின் குருதியோடையிலிருந்து

உதித்தெழுந்து புயலானவள் நான்.

எனது தேசத்தின் சீற்றமே எனக்கு ஆற்றலை அளித்தது

அழிக்கப்பட்ட, எரிக்கப்பட்ட எனது கிராமங்கள்

எதிரிக்கு எதிரான வெறுப்பை எனக்குள் நிரப்பின

ஓ, எம் நாட்டு மக்களே!

நான் பலவீனமானவள், திறனற்றவள்

என்று இனியும் கருதாதீர்

விழித்தெழுந்திட்ட ஆயிரக்கணக்கான பெண்களுடன்

எனது குரல் கலந்துவிட்டது

எனது கரங்கள்

ஆயிரக்கணக்கான போராளிகளின் கரங்களை

இறுகப் பற்றிக்கொண்டுள்ளன.

இந்தத் துயரங்கள் அனைத்தையும் துடைத்தெறிய

அடிமை விலங்குகள் அனைத்தையும் உடைத்தெறிய

விழித்தெழுந்துவிட்ட பெண் நான்

எனது பாதையை நான் கண்டுகொண்டேன்

ஒருபோதும் திரும்பமாட்டேன்.

ஆப்கானிஸ்தானத்தின் மகத்தான கவிதாயினி மீனா பெண்விடுதலைக்காகப் போராடி உயிரீந்தவர். 1977 இல் ஆப்கானிஸ்தான் புரட்சிகரப் பெண்கள் சங்கத்தைத் தோற்றுவித்தவர். இசுலாமிய தீவிரவாதிகளுக்கும் இரசிய ஆக்கிரமிப்பாளர்களுக்கும் எதிராகப் பெண்களின் உரிமைகளுக்காகத் தீவிரப் போராட்டங்களில் ஈடுபட்டவர். அவர் 1987 இல் பாகிஸ்தானின் குவெட்டாவில் அடிப்படைவாதிகளால் கொல்லப்பட்டார். அவர் தோற்றுவித்த அமைப்பு அமெரிக்க ஆக்கிரமிப்புக்கும் தலிபான் தீவிரவாதிகளுக்கும் எதிராகத் தொடர்ந்து போராடி வருகிறது. கொல்லப்படுவதற்குச் சில மாதங்களுக்கு முன்பு மீனா எழுதிய கவிதையின் ஒரு பகுதி.

ஆங்கிலத்தில்: ஷம்சுல் இஸ்லாம்

தமிழில்: நிழல்வண்ணன்

நன்றி: countercurrents.org

Comments

சாம்சங் தொழிலாளர் போராட்டம்: தலைமைக்கு வெற்றி - தொழிலாளர்களுக்கு பின்னடைவு

தொழிற்சங்க அங்கீகாரத்தை முதன்மைக் கோரிக்கையாகவும் மற்றும் ஊதிய உயர்வு உள்ளிட்ட 20 அம்சக் கோரிக்கைகளை வலியுறுத்தியும் 37 நாட்களுக்கும் மேலாக வேலைநிறுத்தம் செய்து வந்த ‘ சாம்சங் இந்தியா தொழிலாளர் சங்கத்தின் ’ போராட்டம் , அது முன்வைத்த கோரிக்கைகளில் எதுவும் நிறைவேற்றப்படாமலேயே 15.10.2024 அன்று முடிவுக்கு கொண்டு வரப்பட்டுள்ளது. போராட்டங்கள் எப்பொழுதும் வெற்றியை மட்டுமே தருவதில்லை , வெற்றி மற்றும் தோல்வி இரண்டுமே மாறி மாறி வரக்கூடியதுதான் போராட்டக்களம். சில நேரங்களில் பெரும் இழப்புகளோடு கூட போராட்டக் களத்திலிருந்து பின்வாங்க வேண்டிய சூழல் ஏற்படும் , அந்தச் சூழலை உணர்ந்து போராட்டத்தைத் தற்காலிகமாக நிறுத்தி வைக்க வேண்டிய தேவையும் ஏற்படும். இதில் ஏற்பட்ட அனுபவத்தைத் தொகுத்துக் கொண்டு அடுத்த கட்டத்திற்கு முன்னேறுவதற்கான படிப்பினையை இது கொடுக்கும். ஆனால் , போராட்டத்தின் போக்கு தொழிலாளர்களின் நலனை முன்னிறுத்தாமல் , ஏமாற்றும் போக்கைக் கைக்கொள்ளும் பொழுது அது ஒட்டுமொத்தத் தொழிலாளி வர்க்கத்தின் நலனுக்கே எதிராகக் கொண்டு போய் விடுகின்றது. சாம்சங் தொழிலாளர்களின் போராட்டத்திற்குத் தலைமை கொடுத்

பாசிச எதிர்ப்பு என்ற பெயரில் சீர்த்திருத்தவாதத்தில் வீழ்ந்துள்ள இடதுசாரி இயக்கங்கள்

இந்திய ஆளும் வர்க்கத்தின் பிரதிநிதியாக நாடாளுமன்றத்தின் ஆட்சியதிகாரத்தைக் கைப்பற்றுவதற்கான தேர்தல் இன்னும் சில மாதங்களில் நடைபெறவுள்ள நிலையில், இடதுசாரிகள் எனத் தம்மை அழைத்துக் கொள்ளும் சில அமைப்புகளின் போக்குகள் அவர்களின் சீர்த்திருத்தவாதக் கண்ணோட்டத்தை அம்பலபடுத்தி வருகின்றன. நீண்டகாலமாக ஆட்சியில் இருந்த காங்கிரசு கட்சி இந்திய முதலாளி வர்க்கத்தின் வளர்ச்சிக்கும் சுரண்டலுக்கும் தேவையான உள்கட்டமைப்பு வசதிகளைச் செய்து கொடுத்தும் , பெரும் மூலதனம் தேவைப்படும் கனரகத் தொழில்களை மக்களுடைய வரிப் பணத்திலிருந்து அமைத்துக் கொடுத்தும், ஆரம்பக் கட்டத்தில் பன்னாட்டு மூலதனங்களின் போட்டியிலிருந்து அவர்களைப் பாதுகாத்தும் , பின்னர் இந்திய முதலாளிகள் சர்வதேச அளவில் சந்தையைப் பிடிக்கவும் , முதலீடு செய்யவும் உலகமயமாக்கல் கொள்கையை முன்னெடுத்தும் தொடர்ந்து சேவை செய்து வந்தது. அதே நேரத்தில் தொழிலாளர்களின் நலனுக்காகவும் , விவசாயிகளின் நலனுக்காகவும் , ஒடுக்கப்பட்ட மக்களின் நலனுக்காகவும் போராடிய இடதுசாரிகள் , ஜனநாயக அமைப்புகள் மீது கடுமையான தாக்குதலை நடத்தி ஒடுக்கி வந்தது. வீரம் செறிந்த தெலுங்கானா மக்களின்

வேலை பறிக்கப்பட்டு நடுத்தெருவில் நிறுத்தி வைக்கப்பட்டுள்ள ராஜா கிரவுன்ஸ் அண்ட் கேன்ஸ் தொழிலாளர்களின் போராட்டம் வெல்லட்டும்!

ராஜா கிரவுன்ஸ் அண்ட் கேன்ஸ் என்னும் நிறுவனம் ஒசூர் பகுதியில் 1998 முதல் செயல்பட்டு வருகின்றது . இது வெள்ளீயத்தால் ( தகரத்தால் ) ஆன கொள்கலன்களை , தகரக்குவளைகளை உற்பத்தி செய்கின்றது . இந்த ஆலையின் முதலாளி இந்தியாவை பூர்வீமாக கொண்டவராக இருந்தாலும் , தற்பொழுது கென்யாவில் வசித்து வருகின்றார் . தொடக்கம் முதலே இந்த ஆலையானது தொழிலாளர்களின் உழைப்பை வரைமுறையின்றிச் சுரண்டிக் கொழுத்து வருகின்றது . வேலைக்கு அமர்த்தப்பட்ட தொழிலாளர்கள் நீண்டநாட்கள் பணிபுரிந்து வந்தாலும் அவர்களுக்குப் பணி நிரந்தரம் செய்யாமலும் , நியாயமான ஊதியம் வழங்காமலும் தொழிலாளர்களை வஞ்சித்து வந்தது . தொழிலாளர்களின் தொடர் கோரிக்கைகளைத் தொடர்ந்து 52 தொழிலாளர்கள் மட்டும் நிரந்தரம் செய்யப்பட்டனர் . இவர்களும் ஆறு வருடங்களுக்கும் மேலாக ஒப்பந்தத் தொழிலாளர்கள் , பயிற்சித் தொழிலாளர்கள் என மாற்றிமாற்றி அவர்களை வகைபடுத்தி பின்னரே நிரந்தரம் செய்யப்பட்டனர் . அதற்குப் பின்னர் பணியில் சேர்ந்த தொழிலாளர்கள் ஒப்பந்தத் தொழிலாளர்களாகவே வைக்கப்பட்டுச் சுரண்டப்பட்டு வருகின்றனர் . தற்பொழுது வரை 450 க்கும் மேற்பட்ட தொழிலாளர்கள் ஒப்பந்த அடிப்பட

செந்தழல்

Search This Blog